The Avaricious and the Envious

7.17. De Phoebo, avaro et invido
Caxton: Of Phebus / of the Auarycious / and of the enuyous
None oughte to doo harme or dommage to somme other for to receyue or doo his owne dommage / As hit appereth by this fable / Of Iupiter whiche sent phebus in to therthe for to haue al the knowledge of the thought of men This phebus thenne mette with two men / of whiche the one was moche enuyous / And the other ryght couetous / Phebus demaunded of them what theyr thought was / we thynke said they to demaund and aske of the grete yeftes / To the which Phebus ansuerd / Now demaunde what ye wylle / For al that that ye shalle demaunde of me / I shalle graunte hit / And of that / that the fyrst of yow shalle aske / the second shal haue the dowble parte / or as moche more ageyne / And thenne the auarycious sayd / I wyl that my felawe aske what he wyll fyrst wherof the enuyous was wel content / whiche sayd to Phebus Fayre syre I praye the that I maye lese one of myn eyen / to thende that my felawe may lese al bothe his eyen / wherfor phebus beganne to lawhe whiche departed and wente ageyne vnto Iupiter / and told hym the grete malyce of the enuyous / whiche was Ioyeful and glad of the harme and dommage of an other / & how he was wel content to suffre payne for to haue addomaged somme other
[more info]

No comments:

Post a Comment