The Two Crayfish

7.03. De duobus cancris
Caxton: Of the two Creuysses
He whiche wyll teche and lerne some other / ought first to corryge & examyne hym self / as it appereth by this fable of a creuysse / whiche wold haue chastysed her owne doughter bicause that she wente not wel ryght / And sayd to her in this manere / My doughter / hit pleaseth me not that thow goost thus backward / For euylle myght wel therof come to the / And thenne the doughter sayd to her moder My moder I shalle go ryght and forward with a good will but ye must goo before for to shewe to me the waye / But the moder coude none other wyse goo / than after her kynd / wherfore her doughter sayd vnto her / My moder fyrst lerne your self for to goo ryght and forward / and thenne ye shalle teche me
And therfore he that wylle teche other / ought to shewe good ensample / For grete shame is to the doctour whanne his owne coulpe or faulte accuseth hym
[more info]

No comments:

Post a Comment