7.02. De testudine et avibus
Caxton: Of the tortose and of the other byrdes
He that enhaunceth hym self more than he ought to do To hym oughte not to come noo good / As hit appiereth by this present fable / Of a tortose / whiche said to the byrdes / yf ye lyft me vp wel hyghe fro the ground to the ayer I shalle shewe to yow grete plente of precious stones / And the Egle toke her and bare her so hyghe / that she myghte not see the erthe / And the Egle sayd to her shewe me now these precious stones that thow promysest to shewe to me / And by cause that the tortose myght not see in the erthe / and that the Egle knewe wel that he was deceyued / thrested his clowes in to the tortoses bely / and kylled hit /
For he that wylle haue and gete worship and glorye may not haue hit without grete laboure / Therfore hit is better and more sure / to kepe hym lowely than to enhaunce hym self on hyghe / and after to deye shamefully and myserably / For men sayn comynly / who so mounteth hyher / than he shold / he falleth lower than he wold
[more info]
Caxton: Of the tortose and of the other byrdes
He that enhaunceth hym self more than he ought to do To hym oughte not to come noo good / As hit appiereth by this present fable / Of a tortose / whiche said to the byrdes / yf ye lyft me vp wel hyghe fro the ground to the ayer I shalle shewe to yow grete plente of precious stones / And the Egle toke her and bare her so hyghe / that she myghte not see the erthe / And the Egle sayd to her shewe me now these precious stones that thow promysest to shewe to me / And by cause that the tortose myght not see in the erthe / and that the Egle knewe wel that he was deceyued / thrested his clowes in to the tortoses bely / and kylled hit /
For he that wylle haue and gete worship and glorye may not haue hit without grete laboure / Therfore hit is better and more sure / to kepe hym lowely than to enhaunce hym self on hyghe / and after to deye shamefully and myserably / For men sayn comynly / who so mounteth hyher / than he shold / he falleth lower than he wold
[more info]
No comments:
Post a Comment