The Swallow and the Other Birds

1.20. de hyrundine et ceteris avibus
Caxton: Of the swalowe / and other byrdes
He that byleueth not good counceyll / may not fayll to be euylle counceylled / wherof Esope reherceth to vs suche a fable / of a plowgh man / whiche sowed lynseed / & the swalowe seyng that of the same lynseed men myght make nettes and gynnes / wente and sayd to alle other byrdes / Come with me ye al & lete vs plucke vp al this / For yf we leue hit growe / the labourer shal mowe make therof gynnes and nettes for to take vs al / Alle the byrdes dispraysed his counceyl / And thenne as the swalowe sawe this / he wente and herberowed her in the plough mans hows / And whanne the flaxe was growen and pulled vp / the labourer made grynnes and nettes to take byrdes / wherwith he took euery day many other byrdes / and brought them in to his hows / to the whiche byrdes the swalowe thenne sayd / I told yow wel / what that shold happe therof / wherfore men ought not to disprayse good counceylle /
For he that is euyl aduysed and not wel counceyled shalle haue moche payne
[more info]

No comments:

Post a Comment