7.09. De duabus ollis
Caxton: Of the two pottes
The poure ought not to take the Ryche as his felawe As it appiereth by this fable of the two pottes / of the whiche the one was coper / and the other of erthe / the whiche pottes dyd mete to gyder within a Ryuer / & by cause that the erthen pot wente swyfter than dyd the coper potte / the pot of coper sayd to the pot of erthe / I praye the that we may goo to gyder / And the erthen potte ansuerd and sayd to the coper pot / I wylle not go with the / For it shold happe to me as it happed to the glas and of the morter For yf thow sholdest mete with me / thow sholdest breke and putte me in to pyeces / And therfore the poure is a fole that compareth and lykeneth hym slef to the ryche and myghty / For better is to lyue in pouerte than to deye vylansly and be oppressyd of the ryche
And therfore the poure is a fole that compareth and lykeneth hym slef to the ryche and myghty / For better is to lyue in pouerte than to deye vylansly and be oppressyd of the ryche
[more info]
No comments:
Post a Comment