2.04. De scrofa et lupo
Caxton: Of the sowe and of the wulf
It is not good to byleue all suche thynges as men may here / wherof Esope sayth suche a fable / Of a wulf whiche came toward a sowe / whiche wepte and made sorowe for the grete payne that she felte / by cause she wold make her yong pygges / And the wulf came to her sayeng / My suster make thy yong pygges surely / for ioyously and with good wylle / I shalle helpe & serue the / And the sowe sayd thenne to hym / go forth on thy waye / for I haue no nede ne myster of suche a seruaunt / For as long as thow shalt stonde here I shal not delyuere me of my charge / For other thyng thow desyrest not / than to haue and ete them / The wulf thenne wente / and the sowe was anone delyuerd of her pygges / For yf she had byleuyd hym she had done a sorowful byrthe /
And thus he that folysshly byleueth / folysshly it happeth to hym
[more info]
No comments:
Post a Comment